Karibe aldera eraman gaitu Pedrok gaur, Jamaikara. Benetan datu bitxia eman digu, gainera: Jamaikak hiru milioi biztanle besterik ez dauka, baina, hala ere, azken hirurogei urteetan ehun milatik gora kanta konposatu dituzte bertako sortzaileek. Sortzaile horien artean izen mitiko asko daukagu. Mitikoenetako batzuk, The Wailers taldea eta bere bi partaide ospetsuenak: Bob Marley eta Peter Tosh. The Wailers taldeko kide zirela idatzi eta grabatu zuten biek Get Up Stand Up kantu ezaguna. Dena den, Peter Toshek taldea desegin ostean grabatutakoa aukeratu du Pedrok atal honetarako. Kantu ezin egokiagoa da honako hau larrialdi egoera honetan, haren aitzakian eta gure osasuna eta ongizatea babesten dituztelakoan, eskubide sozialak eta indibidualak murrizteko tentazioa izan bailezakete zenbait agintarik. Erantzun modura, kantaren leloak zera esaten digu: «Altxa zaitez eta egon zutik zure eskubideen alde».
Deskargatu hemen.