Urtebete bete da Abando Bizigarri eta Osasuntsua elkarteak mobilizazioak egin zituenetik, eta urtebete da hirigintza gizatiarrago eta osasuntsuagoa, ez espekulatibo eta inbaditzaile baten aldeko aldarrikapena egin zuenetik. Udalak Bilbo berdearen aldeko aldarrikapenak egin ditu eta Gotzaindegiak, komunitateari zerbitzua emateko dagoela esan du. Emaitza, ordea, higiezinen operazio opakoa izan dela salatu dute elkarteek , espekulazio urbanistiko bat. Irregulartasunez betetako birkalifikaziorengatik izan da, Abando zonaldean geratzen den espazio libre apurra desagerrarazten duena hain zuen. EAEko Auzitegi Nagusian epaitzen ari dira kasua. Elkarteak hainbat argudio erabili ditu egoera bidegabe horren aurka, hala nola, inguruan hurbileko berdeguneak behar direla, egungo eraikinaren interes historikoa eta Cervantes Ikastetxearekiko hurbiltasuna; izan ere, arriskuan jarriko lirateke haurren osasuna, eurek baitira ahulenak, eraispenaren, obren eta eraikinaren ondorioz sortutako zarata, hautsa, kutsadura eta argi naturalaren faltagatik. Pandemiak are gehiago utzi du agerian osasuna eta ongizatea hiri-proiektu ororen funtsezko elementu direla. Hurbileko parkeak sortu behar dira, funtsezko elementua baitira hiritarren bizi-kalitatean. Politikariek entzungor egin dute eta interes ekonomikoa nagusitu da; izan ere, proiektuak aurrera jarraitzen du eta obrak uda honetan hastearekin mehatxatzen ari dira. Horregatik guztiagatik, elkarretaratzea deitu dute gaurko ekainaren 18an, ostegunean, 18:30ean, Heros, Barrainkua eta Lersundi kaleen artean.
Deskargatu hemen.
