Izate musika taldea izango da gure lehenengo gonbidatua. Izate taldea 1999 urtean sortu zen , Donibane-Lohizuneko gazteak osatzen dute taldea. “diska” izeneko bere lehen lana kaleratu dute.
“Zaharregia, txikiegia, agian” (argazkian) egitasmoan oinarritutako “Agian” dokumentala estreinatu berri da hegoaldeko zinema aretoetan. Bost protagonista ditu dokumentalak, Kirmen Uribe, Mikel Valverde, Rafa Rueda, Bingen Mendizabal eta Mikel Urdangarin, bost protagonistei egindako elkarrizketak dira dokumentalaren oinarria. Piperpolisen Arkaitz Basterra gonbidatu dugu, dokumentalaren ekoizlea, gidoigilea eta zuzendaria.
Literaturaren atalean Anjel Lertxundi izango da gurean “Ihes betea” bere azken eleberriaz hitz egiteko. Bigarren Mundu guda aurreko Alemania nazian kokatzen du bere nobelaren istorioa Anjel Lertxundik. Warner gazte hitlerzalea da gerra aurreko Alemania nazian. Bere familian sekretu handi bat gordetzen dute, baina sekretua agerikoa egiten denean, Warner ihes egitera behartuta izango da.
John Trollope eta gomendioak ez dira faltako. Saioa deskargatu nahi baduzu, klikatu HEMEN.