Bilbo hiria irratian zinemari leiho bat irekiko diogu. Azken urteetan pantaila txikirako egindako lanen inguruan hitz egin dugu. Oraingoan areto handietan ikusteko egiten diren pelikulak izango ditugu hizpide. Askotan etxeko sofaren berotasunean ikusten ditugu baina ez da berdina. Zineaz, pelikulez eta sorkuntzaz berba egiteko Ane Urkiola batuko zaigu Bilbo hiria irratiko sintoniara. Bi pelikula ekarri ditu lehenengo tarterako. Bihar estreinatuko den Ane filma (Euskal Herria, 2020). David Perez Sañudo eta Amania Films ekoiztetxe arabarraren filma da. Euskal zinemaren saria irabazi du filma honek aurtengo Donostiako zinemaldian.
Lidek bere alaba Ane etxean ez dela konturatzen da, seguru asko aurreko egunean izan zuten eztabaida gogorrak eragin du desagertzea. Aneren gauzen artean bilatuz, bere alaba ezagutzen ez duen pertsona bat dela konturatuko da. Gai asko lantzen badira ere, ama eta labaren arteko erlazioa azpimarratzekoa da.
Gaurkoan aipatutako bigarren filma François Ozon-en Été 85 da . Denboraren iheskortasunari, nerabeen maitasunari eta behin egiten ditugun promesak betetzeko beharrari buruzko filma. Honetan ere ama eta semearen arteko erlazioan dagoen nabarmentzekoa da.
Deskargatu hemen.
https://www.youtube.com/watch?v=nB2FClKU6as