Atzo egin zuten ekitaldi sinbolikoa, museoko kanpoaldean denboraren kapsula lurperatu zuten, kutxan aurreko eguneko egunkariak eta hainbat objektu sartu zituzten. Etorkizuneko hiritarrak nolakoak ginen ikus dezaten. Beraz, ofizialki hasiak dira lanak, eta 2024 amaierarako bukatuta egongo dira, Miguel Zugaza museoko zuzendariak zehaztu duenez. 1945. urtean altxatutako eraikin zaharrak eta 1970. urteko eraikin modernoak osatzen dute Bilboko Arte Ederren Museoa egun, eta bi horien gainean jarriko den zubi moduko bat da Fosterren eta Uriarteren proiektua. Museoak 6.800 metro koadro irabaziko ditu horri esker, eta goialdean terraza bat izango du. Juan Mari Aburtok nabarmendu du eraldaketa arkitektoniko erabakigarri honen ibilbide-orria 2019-2022 Plan Estrategikoan finkatu zela (plan hori 2018an onartu zuen museoaren Patronatuak), eta hori lortzeko lehen urratsa Arte Ederren Bilboko Museoa Handitzeko eta Eraberritzeko proiektuen nazioarteko lehiaketaren deialdia izan zela, 2019. urtearen hasierakoa.
Deskargatu hemen.