Ibaialden dagoen fabrika ixteko protesta jendetsua ahulduta dago eta Ione, Elias eta Txarli baino ez dira geratzen. Gaur egungo gizartean, borrokak badu zentzurik, ala zaharkituta geratu da? Agian, gauzak aldarrikatzea da zaharkituta geratu dena? Ustezko terroristei eta lokartutako Gandhiei buruzko komedia antzeztuko dute gaur Aiora Sedano, Juanjo Otero eta Aitor Fernandinok Arriaga Antzokian.
Hirugarren diskoa kaleratu du Modus Operandi musika taldeak, “Atzo/Gaur” album bikoitza. Ostegunean Bilboko kafe Antzokian aurkeztuko dute zuzenean diskoa. Iñaki Ortiz de Villalba dugu gurean. “Atzo” atalerako Euskal Herriko bost talde esanguratsuren kanta bana birsortu dute, «omenaldi» modura. “Gaur” izeneko beste erdian, Modus Operandik etorkizunean izango duen soinuari buruz pista […]
