Arriaga Antzokiak “Guridi: Magical Bidaia” ikuskizun propioa estreinatuko du martxoaren 9 eta 10ean. Bina emanaldi emango dituzte egun horietan: 17:00etan lehenengoa eta bigarrena 19:30ean. Antzerkia, zuzeneko musika, dantzariak eta efektu magikoak uztartuko ditu familia osoarentzako den ikuskizun honek. Angel Mirouk idatzi du obraren testua eta berak eta Pako Revueltasek sortu dute antzerkiaren dramaturgia. Oholtza gainean Gaizka Chamizo, Eneritz Artetxe, Na Gomes, Juanjo Otero eta Karmele Matuzola arituko dira. Gainera, Bilboko Koral Elkarteko Haurren Koruko 46 gaztetxo arituko dira Guridiren obrak zuzenean abesten.
Deskargatu hemen.
