Gaur hasiko da 23. KORRIKA Irunetik. Jada dena prest dute antolatzaileek: lekukoa, mezua, kilometro guztiak ondo banatuta. Ane Elordi Korrikako koordinatzaile nagusia izan dugu gurean, eta berak eman dizkigu gaurko egunaren azken nondik norakoak.
Gogoratu Zebrabidea saio berezia izango dela 14:00etatik aurrera 23. KORRIKAren hasiera ondo-ondo aletzeko.
Argia astekariaren errepasoa egin dugu Gorka Peñagarikanorekin. Azalean Anari: Giza zarata disko berria, kantuen gordintasuna, kantatzeko era, munduaren ikuspegia… Europako hainbat herrialdeetan gertatzen ari den militarizazioari ere heldu dio aste honetan Argiak. Eta bukatzeko, Oier Sanjurjo ere elkarrizketatu dute; Osasunako kapitain izandakoa, futbolean dagoen adierazpen askatasun ala askatasun ezaz aritu […]
