Gaurko Stendhalen oihartzunak saioan Roberto Gerhard konpositorea ekarri dugu. XX. mendeko espainiar konpositorerik garrantzitsuenen artean aurki dezakegu, “Zortzien Taldea” edo “Madrilgo Taldea” deituriko konpositore-taldeko sortzailerik nabarmenenen artean dagoena. Talde hau poesian “27ko Belaunaldia” deitzen diogun horren (Lorca, Cernuda, Aleixandre, Alberti…) baliokide musikala da, eta Ernesto eta Rodolfo Halffter, Fernando Remacha edo Rosa García Ascot bezalako konpositoreek osatzen zuten. Gerhard haien artean aipagarrienetarikoa da, izan ere, aurreko beste saio batzuetan aipatu dugun Schoenberg konpositoreak garatutako dodekafonismoaren teknika Espainian sartu zuen eta baita noski Vienako Bigarren Eskolaren teknikak. Konpositore hau ekarri dizuet, bere garaian nazioartean ospea izan zuelako baina Espainian guztiz ezezaguna delako bai bizirik zegoenean bai gaur egun publiko orokorraren artean, Guda Zibila eta gero atzerrira ihes egin behar izan zuelako (Erresuma Batura), errepublikaren aldekoa zelako.
Deskargatu hemen.
