Antón García Abril XX. eta XXI. mende hasierako konpositore espainiar garrantzitsuenen artean koka dezakegu, obra izugarria daukana, musika akademikoan genero guztiak ikutuz. Beste saio batzuetan aipatu dugun “51ko Belaunaldia” deituriko konpositore-taldearen barruan sar dezakegu, Luis de Pablo, Ramón Barce edo Cristóbal Halffter bezalako konpositoreekin batera, hauekin “Nueva Música” taldea sortu zuen 1958an eta bertan garaiko Europako abangoardiarik modernoenak defendatzen hasi ziren konposizioaren munduan. Taldekide gehienek serialismoaren teknikak erabiliz idazten zuten eta García Abril laster aldendu zen taldetik, abangoardietatik urrunduz eta estetika tonalago bat hartuz.
Deskargatu hemen.
