Asisko Urmenetak sinatu du ikerketa, gidoia eta zuzendaritza. Lanak euskal sorginen irudia eta memoria historikoa ditu ardatz, eta iraganeko pasadizoek gaur egungo gizartean oraindik duten eragina aztertzen du. Sortzaileak nabarmendu duenez, sorginak ez dira iraganeko irudi ilunak soilik; gure herriaren historiaren eta nortasunaren parte bizia dira. Asisko Urmeneta marrazkilari eta sortzaile ezaguna da, euskal kulturari eta iruditeria herrikoiari lotutako lanengatik. Oraingoan, ikus-entzunezko formatuan egin du jauzia, «historiako bazter ilunetan argi izpi bat pizteko asmoz». Aurretik, Sugarren mende komikia ere sortu zuen.
Deskargatu hemen.
