Horrela hasi zen dena… Duela ia hamar urte, hamarnaka auzokidek HERRIKADAri hasiera eman zioten, eta horrekin batera, Karmelaren historia berria idazten hasi zen. Bi urte abandonatuta egon ostean, 2014ko azaroaren 14an, Karmelo Ikastolako eraikina berreskuratu zuten, “auzoarentzat eta auzotarrentzat proiektu alternatibo eta herritarra” sortzeko helburuarekin. Ordutik hona, Karmela espazio bizia eta askotarikoa bihurtu da, elkar topatzeko, sortzeko eta auzoa biziberritzeko gune bihurtuz. Eta aurten, efemeride borobila dute ospatzeko: Karmelak 10 urte beteko ditu! Ospakizun berezi horren harira, Ane batu zaigu Bilbo Hiria Irratira, urte hauetan guztietan egindako bidea eta aurrera begirako erronkak kontatzeko.
Deskargatu hemen.
