Liburuetatik gizartera eta gizartetik liburuetara, halaxe bizi dugu literatura Liburuen Errepublika Txikian. Horregatik, hain zuzen ere, gure egiten dugu inguratzen gaituen munduarekiko grina eta ardura. Hori dela eta, ozen esan nahi dugu: euskarak eta euskal hiztunen komunitateak bizi duten larrialditik, indarraldira. Oztopo, mehatxu eta oldarraldi judizialetik, Pizkundera. Ikastoletan, ikastetxeetan, antolatu gaitezen; euskaltzaleon garaia da!
Eta literatura pilo bat, noski: Erdi Aroko katedral baten eraikuntza, iraultzaileen arteko Errusiako gutunak edo liburu mardulegiak irakurtzeagatik bizkarreko minez bizi den irakurlea. Baina kasu!, dena ez baita urre Gabonetan, eta, gutxien espero dugun tokian, hara, lakioa: babesgune handiena beharko lukeen familia bortxazko eremu bilakatu zaigu. Eskerrak idazle ausartak ditugun!
Amaitzeko, oinarrizkoa izanagatik inoiz baino gehiago errepikatu beharreko leloa: Euskal Herrian euskaraz!, eta Liburuen Errepublika Txikian ere bai.
BIZI, IRAKURRI ETA IZAN ZORIONTSU!
Deskargatu hemen.
