“Kaxa huts bat” izena dauka Beñat Sarasola Donostiarraren lehen poema liburuak, Susak argitaratua. Gurean izan da liburua aurkezten.
Nuke taldearen lehen lan luzea ezagutu dugu . Topaleku Azpeitiko zubizar etxean. Nuke taldea 2003an sortu zen, maketa pare bat grabatu ostean, urte bete eman dute 12 kantuz osatutako lan berria prestatzen. Oihan abeslaria izan da gurekin.
Antzokian abentura bat bizitzeko gonbita egiten die haur guztiei Arriaga Antzokiak, Antzokiak ohiko itxura aldatu, eta haurrei ireki dizkie ateak, Abentura Antzokian ekoizpena eskaintzeko.Hiru begirada desberdin dira, hiru sortze-lan independente hari bakar batez loturik: abentura eta mundu ezezagun baten esplorazioa, antzokiko hainbat gunetan zehar egindako iniziazio-bidaia. A Alfabetoa, Denboraren Museoa eta Joneren ametsa dira hiru istorioak. Hiru aktore izan dira gurean Jox Berasategi, Gabriel Ocina eta Xanti Antero…eta Jon Trolloperen atal berria!. Saioa deskargatu HEMEN.