Egin dezagun bidea ekimenak manifestazio eta egun osoko jaia prestatu du iganderako, hilaren 12rako Bilbon, “Eskubide guztiekin, Euskal presoak Euskal Herrira” lelopean. Manifestazioa Guggenheim Museotik abiatuko da eguerdiko 12:30etan, Udaletxearen aurrean bukatzeko; festa, aldiz, Mallonan izango da (Etxebarria parkean) Bilboko udalak ez baitu Areatzan egitea onartu, Beñat Zarrabeitia ekimen horretako sustatzaileetako batek kontatu digunez.