Rock munduko hiru musikari klasikok eman diote hasiera aste honetako Soinugelari: Ike Turnerren 50eko grabazioak izan ditugu lehenbizi, gero Slim Harporen musika bikaina gogoratu dugu eta Harmonica Frank musikari xelebre bezain ona ere gogoratu dugu. Horren ostean, Mojo aldizkariak bere azken alean “Rebel Music” izenburupean iraultza eta matxinadarako kantuekin osatu duen bilduma interesgarria ezagutzen hasi gara. Hori egindakoan, gure artean batere ezaguna ez den Grezia aldeko “Rembetika” musika motaren antzinako grabazioak entzun ditugu, horien tartean duela ehun urteko grabazio bat izan delarik (Soinugelan inoiz entzun dugun grabaziorik zaharrena , hain juxtu ere). Saioaren azken atalean La Bamba kanytu mitikoaren sorreraren eta bere gorabehera guztien berri eman digu Pedro Elias Igartuak eta gero kanta bera bospasei bertsiotan entzuteko parada izan dugu.
Saio hau deskargatzeko klikatu HEMEN.
Entzun:https://www.bilbohiria.com/docs/podcast/soinugela/soinugela081016.mp3