Udatik hona hainbat gauza gertatu dira Abiadura Handiko trenaren inguruan eta horietariko batzuk aipatu ditu Mila Elortza AHTgelditu Elkarlanako kideak. Leku batzuetan (Goierrin edo Galdakaon) lanak hasi direla, tren horren aurkako mugimendua kriminalizatzeko saiakerak eta batez ere eztabaida sozialik ez dutela ireki aipatu ditu Milak. Inazio Uriaren hilketak barruko eztabaida bultzatu duela esateaz gain, AHT gelditu Elkarlanak biltzen dituen agenteek (Euskal Herriko gehiengo sindikala besteak beste) borroka hori era paketsuan jarraitu nahi dutela gaineratu du. Larunbat honetan, hilaren 17an, elkarretaratze nazionala egitera deitu dute, eguerdiko 12etan Urbinan (Gasteiztik gertu); gero, herri bazkaria eta festa izango dira Gasteizko Alde Zaharrean, Musikherriarekin batera.
Elkarrizketa hau deskargatzeko klikatu HEMEN.