Gaur erakusketari batzuei iritzia eskatu diegu, azokara zer ekarri duten eta nola doakien konta dezaten. Besteak beste, Argia aldizkariko Estitxu Eizagirre, Zenbat Gara elkarteko eta Erroa argitaletxeko Xabier eta Ane, Irrien Lagunak klubeko Anabel Arraiza eta Berria egunkariko Mikel Arrieta izan ditugu gurekin, azokara zer ekarri duten eta nola saltzen ari diren azaltzen.
Kultura digitala ere kultura dela zabaltzeko sortu zen Kabia gunea eta, bertan, Maite Goñirekin batera eragile zereginetan dabilen Gorka Juliok esan digu, apurka-apurka, errotuta zeuden hainbat usmo gezurtatzen bere ekarpena egin duela azokako gune nagusiaren sarreran kokatuta dagoen gune honek. Gaur komunitatearen eta garatzaileen eguna izan dugu: goizean bloke irekian […]
