Oiolako urtegiaren deskonexioaren aldeko Plataformak ateratako kartel bat salatu zuen Barakaldoko udalak, “bando” itxura zuelakoan. Epaileak ez du aipatu salaketa onartu, eta orain Udalak (PSE) helegitea jarri du, Gotzon Hermosillak kontatu digunez. Tirabira honen atzean, Oiolako urtegian hainbatetan aurkitutako lindanoaren afera dagoela azaldu digu Hermosillak.
Tirabira handiak gainditu ondoren, azkenean Gipuzkoako Foru Aldundiak aipatu Bioaniztasunaren Kontseilua eratu du, natura ordenatzeko asmoarekin. Josu Larrinagak kontatu digunez, horren alde talde ekologistak agertu dira; kontra, aldiz, egurzaleak, ehiztariak eta hainbat “aditu”. Egitasmo berria Europako Natura 2000 Sarearen baitan kokatzen da, eta lan dezente izango dute. Bizkaian ez dago […]
