Pepe Mugica Euskal Herrira egiten ari den bidaiarekin hasi da gaur Aitziber Ibaibarriaga udal gaiak aipatzen, atzo Donostian EH Bilduko hautagai batzuekin bildu baitzen Mujika. Horrez gain, Bilboko berriak izan ditugu: Plaza Biribilaren egoera, Gatzaren matxinadaren oroimena, eta kanpainaren amaiera.
Ezagunak dira azken bolada honetan Mediterraneoan gertatzen ari diren tragediak. Horren aurrean, SOS Arrazakeria elkarteko Txus Elorzak esan digunez, Europako Batasunaren erantzunak ez du arazoa bideratuko, eta irtenbideak bilatu beharrean, asilo eskubidea ukatu egingo diete iheslariei. Elkarrizketaren bigarren partean, Elorzak igandean etorkin askok ezin izango duela bozkatu gogorarazi digu. https://www.bilbohiria.com/docs/podcast/solasaldiak/150521solastxuselortza.mp3 […]
