Aurtengo Aste Nagusian Bilboko Konpartsek bandera urdinarekin saritu nahi izan dute hedabideok, bereziki euskal hedabideok egindako jarraipena. Bandera urdinak Aste Nagusiaren alde egindako ekarpen edo jarrera positiboa saritzeko sortutako aipamena da, bandera marroiak, aldiz, jaiak hondatu edo Aste Nagusia hondatu edo kaltetzeko lanean nabarmendu direnak aipatzeko sortu zen. Aurten, erasotzaileentzat izan da bandera marroia (noski, ez zen inor jasotzera hurbildu).
Argazkian, bandera urdina jasotzen, Ninbe Moreno, Uriola agerkari digitaleko kazetaria eta Ane Zabala, Bilboko euskal irratiok elkarlanean egin ditugun Aste Nagusiko emanaldietan esatari ibili dena ea Hamaika Telebistako langilea ere dena.
Gure aldetik hemen amaitu da Aste Nagusi honetarako Bilbo Hiria irratiak eta 97 irratiak elkarlanean prestatu dugun emanaldi sorta. Hemen izango dituzu entzungai egun hauetan gure mikrofonoetatik igaro diren lagunen ahotsak, jaien, giroaren, konpartsen eta kulturaren berri eman dutenak.