Aste honetan jakin dugu Telefonicak Yolanda Barcina fitxatu duela bere Movistar + ordainpeko telebista zerbitzuan kontseilari moduan. Aferak hautsak harrotu ditu Nafarroa Garaian, eta kritikarik ez da falta izan, askok ate birakarien adibide argia ikusten baitute izendapen horretan. Gero, Euskalerria irratiko esatari Mikel Bujandak beste hainbat gai jorratu ditu Nafarroari buruzko bere kronikan: Hitzarmen Ekonomikoa, Zilbetiko harrobia, Mendoza jaunak irekitako krisia, eta igandeko Nafarroa Oinez jaia.
