Gaur eta bihar truke azoka egingo dute Gabriel Aresti euskaltegian. Bi urtean behin egiten den azoka honetan gabonetako kontsumismoari aurre egin eta norberak jada erabiltzen ez dituen baina egoera onean dauden gauzak (liburuak, CDak, jantziak, jostailuak, elektrotresnak, irakasleak…) edota eskaini ditzakeen zerbitzuak (jatekoa eta edatekoa, masajeak, ilea moztea, musika tresnaren bat jotzea, eskua irakurtzea, argazkiak egitea…) trukatu ahal izango ditu zentimo bat ere gastatu gabe. Atzo izan zen tasazio eguna, eta iratxoek jendeak ekarritakoak Txakurtxikitan balioztatu zituzten. Gaur arratsaldez eta bihar goizez aurkituko dugu Truke azoka hau euskaltegian (Done Bikendi 2, 4. solairua).