Gaurkoan Bilbo Hiria irratian lankide dugun Jabi Zabalarekin mintzatu gara Amerikako Estatu Batuetako hauteskundeei buruz. Lehen-lehenik, bertan hautagaiak aukeratzeko orduan erabiltzen diren sistemak azaldu dizkigu Jabik: caucusak eta primarioak; horren ostean, 3. Astearte Handia deiturikoan estatuz estatu izan diren emaitzak hartu ditu aipagai, errepublikanoen aldean Donald Trump nagusitu dela eta kubatar jatorriko den Rubio hautagaiak porrot egin duela esateko. Demokraten aldean, oraingo emaitzak ikusirik, badirudi Hillary Clinton aurrea hartzen ari zaiola Sanders sozialistari. Azken minutuetan Donald Trump hautagai populistaren adierazpenak direla kausa, han-hemen sortu diren iskanbilez eta ezinegonez jardun du gure lankideak.
HIZPIDEA: Etxe Zurirako bide luzea
