Hamabostean behingo hitzorduari erantzunez, Jon Bernat Zubiri ekonomia adituak lan eremuko beste gai bati heldu dio gaurko irratsaioan: lanaren makroekonomia. Eragile ekonomiko ofizialek soldataren bidezko susperraldiaz hitz egiten duten honetan, lanaren prekarietatea ekarri duten faktore nagusien errepasoa egin digu lehenbizi, hortik abiaturik, langileen soldatek arlo makroekonomikoan daukaten eragin zuzena aipatzeko. Azkenean, gaiak ikuspegi sozialista batetik izan litzakeen irtenbideak aipatu dizkigu Jon Bernatek: soldatak egonkortzea, lanordu gutxiago egitea, lanaren eraldatze ekologikoa, lanpostu duinagoak sortzea, eta abar.
