Nafarroako kronika egin digu Mikel Bujanda euskalerria irratiko kazetariak. Egun hauetan ereinozduna ken daitekeen aztertzen ari dira teknikariak, memoria historikoaren legea betearazteko. Ereinozduna 1937an Francisco Franco diktadoreak Nafarroari eman zion San Fernandoko gurutzea da; 36ko gerrara joandako boluntario nafarrek kolpe militarrari emandako babesagatik eta gerran egindakoengatik eman zuen. Aste honetan aldamioak jarri dituzte ikurra nola kendu dezaketen aztertzeko. Helburua da ereinozduna kentzea, eta, posible izango balitz, teknikariek adierazi dute bi edo hiru asteko epea beharko lukeela horretarako. Beste gai batzuk ere aipatu dizkigu esaterako gaur bertan Euskaltzaindiak lehenengoz bilkura egin du Nafarroako parlamentuan, hileko ohiko bilera bertan egin eta ondore harrera egin dute parlamentuan.
Deskargatu hemen.
