Gaurko saioan Txupinera eta Pregoilaria izan ditugu gurean. Nati Ovelleriro Sacristan eta Ane Ortiz Ballesteros. Astelehena bada ere indartsu daude biak. Pozik bizitzen ari diren momentuekin. Larunbateko hasiera gogora ekarri dugu Natirekin eta Ongi Etorri errefuxiatuak egiten duen lanaz hitz egin dugu, izan ere uztailean Ceuta eta Mellillan izan dira bertako egoera ezagutzen eta salatzen. Bestetik pregoian esandakoaren inguruan mintzatu da, pozik agertu da jasotako erantzunarekin. Anerentzat ere Aste Nagusi berezia izaten ari da aurtengoa. Urte batzuk dira Askapeña konpartsako kidea dela eta urteetan eginiko lana nabarmendu du. Biak emakumeak izanik Aste Nagusiko ikur bihurtuta berdintasunaren aldeko mezua zabaldu dute.
Deskargatu hemen.
