Kaletik gabiltzanean lanerako bidean korrika presaka agian ez dugu inguruetara begiratzen, eta gure hiriak duen ondare arkitektonikoa ez dugu atzematen. Titaniozko Guggenheim baino askoz gehiago du gure Bilbok. Bilbok dituen formak, bere arkitektura, bere espazio publikoak, azpiegitura handiak, bere izateko arrazoia dute.Horien atzean gehienetan ezagutzen ez ditugun erabaki, bitxikeria eta xehetasunak ezkutatzen dira, horiek guztiak ezagutzeko aukera izango dugu Open House jaialdian. Ekimena 48 orduz eta dohainik ateak zabalduko ditu normalean herritarrentzat itxita egoten diren edo jendeak ezagutzen ez dituen eraikin eta espazio interesgarriak. Irailaren 23an eta 24an egingo da eta ekimenaren asmoa da hiria ezagutzea eta eztabaida zabaltzea herritarren artean. Open house bilboa jaldiaren inguruan mintzatu gara Andoni Pomborekin.
Deskargatu hemen.