Izar antzezlanean izen bereko ume baten istorioa kontatuko dute Marie de Jongh konpainiako kideek oraingoan. Piano jole aparta da Izar eta artista arrakastatsua izateko bidean da. Hala ere, bizitzako gertakizun latz baten ondorioz, hankaz-gora jarriko da familiaren egoera. Bizitzak ematen dituen kolpeei aurre egin behar zaiela erakutsi nahi izan du Jokin Oregi zuzendariak eta horretarako, hitzik gabeko antzezlana prestatu du, familia guztiarentzako. Aktoreak maskaren atzean egongo dira, ikusleak hunkitzeko eta lan horretan, Iñaki Salvadorren musikak ere rol garrantzitsua izango du. Abenduaren 18an izango da estreinaldia Arriagan.
Deskargatu hemen.
