Haurren kontrako sexu indarkeriaren aurrean inpunitaterik ez lelopean, manifestaziora deitu du Haurren Kontrako Indarkeriarik Ez plataformak iganderako. Algortan egingo dute protesta, eta 13:00etan abiatuko da, Telletxe plazatik. Indarkeria matxista hau ikustarazteko unea ere iritzi dela aldarrikatu dute eta datuak ere mahai gainean jarri dituzte. Honen inguruan berba egiteko Josebe Iturriotz izan dugu gurean. Europako Kontseiluak 2010ean osatutako ikerketa baten arabera. 13 urtetik beherako umeen artean, lau neskatotik batek eta zazpi mutiletik batek jasan du halako eraso bat. Erasoen %2 eta %10 artean soilik ezagutzen dira, horrek esan nahi du gainontzekoak ikusezinak direla. Bestetik aipatu digu haurren kontrako indarkeria matxistan auzitegiak arazo larri direla, izan ere epaileak ez daude prest. Indarkeria mota hau gainera familia giroan ematen da. Askotan haurren hitza ere ez da sinesten beraz baliabideak eta borondate politikoa izateko unea da.
Deskargatu hemen.
