Proposamen ugari ekarri ditugu Bilbo hiria irratiko kultur artefaktura. Lehenengo Saioa taldeko Kamila Zubeldiarekin berba egin dugu. Marieder Iriartek eta Kamila Zubeldiak osatzen dute Saioa taldea. Folk akustikoa lantzen dute eta hirugarren lana argitara berri dute. “ Hiru , hamalau” deiturikoa, hirugarren lana, hamalau kantu berri, argazki bat, hamalau autore eta Saioa taldearen lankidetzaren fruitua izan da.
Gure Zirkua Bizkaira iritsikoa da, Ondarroan eta Gorlizen lau aste emango ditu. Zirkuaren nondik norakoak ekarri dizkigu Iker Galartza aktoreak. Zirku nomada bat izateaz gain, zirkuko euskal artistentzako topagunea! Hainbat diziplinatako euskal artistek lan egin ahal izateko zirku bat.
Bukatzeko asteburu honetan ospatuko diren Eako poesia egunetan murgildu gara, ‘Lurra, sustraietatik orri’ lelopean, uztailaren 13tik 15era egingo dituzte Eako Poesia Egunak.
Deskargatu hemen.
