Asteburuan Galdakaon Musika Bizian jaialdia ospatuko da, Palestina, Kornualles, Katalunia eta Euskal Herriko taldeak izango dira protagonista, Andra Mari dantza taldeak antolatu duen Musika Bizian jaialdian, estaturik gabeko munduko jaialdia bakarra. Bere V. edizioan, aurreko urteetan bezala, bestelako jarduerak ere izango dira Galdakaoko kaleak eta plazak girotu asmoz. Hala, kalejirak, umeentzako ikastaroak eta luthier azoka ere ondu dituzte urriko azken astebururako. Egitarau oparoa antolatu dute Jon Gomezek kontatu digun moduan, Palestina eta Kornualles herrien ordezkaritzak izango dira aurten jaialdira gonbidatutako talde berriak. Palestinaren ordezkari gisa 47 Soul laukoteak jardungo du. Kataluniatik, aurretik ere jaialdian parte hartu duen arren, errepikatu egingo du aurten Els Grullers folk seikotearekin. Eta euskal ordezkaritzari dagokionez, Xabi Aburruzaga trikitilariaren eta Esne Beltza talde beteranoaren esku egongo da.
Deskargatu hemen.
