Chrysallis Euskal Herriak etapa berri bat hasiko duela jakinarazi du; orain arteko lana egiten jarraituko dute, baina espainiar estatuko Chrysallisen delegazioa izateari utziko diote. Izen, logo eta kolore berriak jantziko ditu larunbatetik aurrera. Elkarte berriaren sorrerak eraginkortasuna du helburu. Izan ere, Hego Euskal Herriko erakundeen funtzionamendua desberdina da espainiar estatuari dagokionez. Hala ere, Chrysallisekin harremanetan eta elkarlanean jarraituko dute. Larunbatean egingo dute elkarte berriaren aurkezpena Donostiako antzoki zaharrean. Web gune berria ere aurkeztuko dute bertan, nazioartera begira erreferente bilakatu nahi duena. Ekitaldi itxia izango bada ere, gerora sare sozialetan zabalduko den spot bat aurkeztuko dute bertan.
Deskargatu hemen.