Ingalaterrako underground eszena gero eta ezagunago den banda batekin hasiko dugu gaurko saioa. Black Midi dute izena eta bukle errepikakor eta indartsuetan oinarritzen dituzten euren abestiak. Hurrengo gonbidatuek Pond izena duen taldea sortu zuten Australian, rock psikodelikoa. Tasmania izeneko diskotik bi abesti. Jauzi egingo dugu Australiatik Londoneko Camden-era, bertakoa baita gure hurrengo bisitaria. Bakar izenarekin disko konplexu eta adiktiboa sortu du, estilo ugariren topalekua den Badkid diskoa kaleratu du eta bertatik bi abesti entzungo ditugu. Iñaki Larraioz musikari nafarraren lehen bakarkako proiektua da Larra Bideak. Berako Atala estudioan zazpi kantuz osatutako diskoa grabatu du. Zerua eta Lemak abestiak entzungo ditugu bertatik. Aurrera gure bidean, Antton Larrandaburu Hazparnetik, folkaren gaineko ikuskera pertsonala eskaintzen digu. Hurrengo bisita L.A. Witch Amerikako taldeak egingo digu. Rock, psikodelia eta blues ilun bat nahasirik inarrosi dituzte bazterrak. Zuzeneko zinez indartsua dutela diote. Bukatzeko abesti motz eta bizkorrak. Mourn eta Pink Mexico. Lehenbizikoa Katalunatik, bigarrena New Yorketik.
Deskargatu hemen.
