Saio honetako lehenengo gonbidatua Karen Dalton izango da, Amerikako blues abeslari bikain honek Sweet Subtitute eta Something on your mind abestiak utziko dizkigu, segidan Matadeixen sortutako proiektu berri bat, Ro izenez eman dute argitara llhunbean esan-eginak izeneko singlea. John Murry-k liluratu gintuen bere The Graceless Age disko bikainarekin eta gertutik jarraitu dugu bere ibilbidea, gaurkoan A Short History Of Decay izeneko diskoa ekarri dugu. Txomin Artolaren Belar Hostoak disko gogoangarria da zinez, rock progresiboan kokatu daiteke lan hau nahiz eta folk ukitu nabarmenak ere badituen, 1978an kaleratu zuen disko honetatik bi abesti aukeratu ditugu. Hurrengo gonbidatuak Antton Larrandaburu eta Bitxiloreak ditugu, Hasparnetik datorren proiektu berri honetatik bi abesti entzungo ditugu Dei of the last day eta Gaueko xoria. Amaitzeko Courtney Barnett-en Tell me how you really feel diskotik bi kantu bikain.
Deskargatu hemen.