Gara egunkariak urtarrilean bete zituen 20 urte, baina urteurrena albiste ilun batek estali zuen, orduantxe iragarri baitzuten egunkariak hitzarmena lortu zuela Gizarte Segurantzarekin datozen bi urteotan hiru milioi euro pasako isuna ordaintzeko: Espainiako Auzitegi Nazionalak Garari leporatzen dio 1998an Garzon epailearen aginduz itxitako Eginen zorra. Egun horretatik abiatu zuten harpidetza kanpaina, indartzen, euskal artistekin elkarlanean ere lamina bereziak argitaratu dituzte. Eta igandean hedabidearen zigor ekonomikoari aurre egiteko jaialdia egingo dute. Belodromotik Ilunbera aldatu behar izan dute, eta taldeen kopuruaren azken iragarpena iritsi da orain. Hiru agertokitan 30 talde arituko dira azkenean. Sarrera guztiak salduta daudela iragarriko dituzte izenak, datorren astean. Guzti honen inguruan berba egiteko Iker Bizkarguenaga batu zaigu.
Deskargatu hemen.