Gure lehenengo diskoa Cromm Fallon-en eskutik dator. Las Vegaseko musikari honek bere lehen disko luzea aurkeztu berri du, Electric Bloom. Rock ona, intentzioarekin egina. Eta rockaz ari garela, Piztiak taldearekin oroitu gara eta aspaldi (1998) atera zuten Argia eta Itzala disko gogoangarriarekin. Bertan bildu zituzten 15 abesti indartsu eta eder. Segidan Ex Hex taldea. Power pop eta hirurogeita hamarreko hard rock-a dira euren ezaugarriak. It’s Real du izena kaleratu duten bigarren diskoa, eta bigarren honetan estrainekoan baino are hobeto aritzen dira. Aurrera gure bidean Interpol taldea gonbidatu dugu. Manhattanetik datoz eta Marauder diskoarekin grabazio berean erregistratutako 6 abesti berriekin datoz A Fine Mess honetan. Rock klasikora salto eginez, Robert Jon & the Wreck taldeak proposatzen diguten rock sureñoa Take Me Higher diskoan. Disko mamitsua, behin kosk eginez gero ezin gelditu. Pettik 2007an kaleratu zuen On diskoa eta bertatik bi abeste bluesero ekarri ditugu.
Deskargatu hemen.