Bilbo Zaharra, San Frantzisko eta Zabalako Taldeen Koordinakundeak ohar bat kaleratu du, auzo horietako bazterkeria eta pobrezia egoera salatzeko, konfinamendua hasi zenetik jazarpen poliziala bizitzen ari dira Auzoan, Bilbo Zaharra, San Frantzisko eta Zabalako taldeen koordinakundeko kidea den Igelengana jo dugu egoeraren berri emateko. Alarma egoera indarrean jarri denetik auzo horietan bizitzen ari diren polizia gehiegikeria salatu du. Neurriak ezarri direnetik, Ertzaintzak eta Bilboko Udaltzaingoak kaleak militarizatu eta beldurra eta tentsioa sortu dutela azaldu du taldeen koordinakundeak. Era berean, poliziak gehiegikeriak egiten ari direla salatu du, jendea kalean modu arbitrarioan eta zakar identifikatuz, eta horren kontra egin duten auzotar batzuei salaketak jarri dizkietela.
Deskargatu hemen.