Gaurko saioa Nasfarroan abiatu dugu. Euskal Herria Liburuak bildumako alea ekarri digu Hektor Ortegak, “Pueblos de Navarra con encanto”, Liburuan 34 herri agertzen zaizkigu , horien artean ere, denetarik dago. Ebro ibaia hurbiletik begiratzen dioten herriak eta Pirinioetako ibarretakoak, Urumea edo Leitzarango ibar lanbrotsuetan altxatzen direnak eta Aragoa ibaiaren ibilkera sosegatua zelatatzen dutenak. Xarma handikoak, Otsagabia edo Zugarramurdi kasu, betiko klasikoak (Izaba, Erriberri, Elizondo…), eta ale ttipi eta ezezagunak, Galipentzu, Torralba edo Arantza bezalakoak.
Bigarren geldialdia Gasteizen egin dugu, Patxi Zubizarreta idazleak Elkar argitaletxearekin plazaratutako gida ekarri digu. Patxi Zubizarretak idatzitako gida, hiria berraurkitu nahi duena, hiriko txokorik politenak eta batzuetan ezkutuenak zehazten ditu. Patxi Zubizarreta idazleak eta Asisko Urmenetak ilustratu du Gasteiz izeneko gida hau.
Deskargatu hemen.
