Urtarrileko merkealdiak merkatarien egoera hobetzeko itxaropenarekin hasi diren arren, aurreikuspenak ez dira oso onak. Pasa den urteko udaberriko derrigorrezko itxierak sektorea gogor astindu bazuen, azaroko murrizketek zauria nabarmen handitu zuten. Ondoren, gabonetako kanpainari esker, arnas apur bat hartzeko aukera izan zuten merkatariek, eta orain, merkealdiekin beste bultzadatxo bat jasotzea espero dute. Hala ere, gabonak eta merkealdiak ez dira nahikoa izango sektorea salbatzeko.
Guk Indautxura jo dugu, Divina Martina arropa dendara, hain zuzen. Iratxe Ostolozaga dendariak kontatu digunez, pasa den urteko itxialdia oso gogorra izan zen, baina merkataritza berriz zabaltzean, bere bezeroek ongi erreakzionatu zuten.
Deskargatu hemen.
