Axular-en Gero 400 ahotsek irakurri ostean Joan Antonio Mogelen Peru Abarka etorri zen ondotik eta, oraingoan, klasikoen ildotik jarraituz, Linguae Vasconum Primitiae irakurriko dute Klasikoen Irakurketa Jarraituaren ekitaldian. Bernart Etxepareren lehen euskarazko liburua aukeratu dute Bilbo Zaharra euskaltegiko antolatzaileek ahoz goran irakurtzeko Arriagan. Klasikoen Irakurketa Jarraituaren 14.aldia da oraingoa, eta klasikoenetan, klasikonari heldu diote antolatzaileek aurten.
Bitartean, gaurtik etzira, Xabier Amuriza bertsolaria eta Korrontzi folk musika taldea arituko dira moldearen dibulgazioan. Patri Urkizu eta Iñaki Aldekoa aditu eta unibertsitateko irakasleek, berriz, Linguae Vasconum Primitiae zer egoeratan sortu zen azalduko dute. Azkenik, ikuskizun batekin bukatuko da Bilbo Zaharra foruma; Itxaro Bordak egingo du maila teorikoari dagokion ekarpena, eta Ibon RG-k, berriz, alderdi musikalari dagokiona.
Deskargatu hemen
