Mugimendu feministak mobilizazio jendetsuak egin ditu Euskal Herriko hiriburuetan. Zaintza sistema publiko bat eskatzeaz gain, arrazakeria amaitu dadila eskatu dute milaka andrek. Bilbo Feminista Saretzen taldeak antolatu ditu Bilboko mobilizazioak. Arrazakeria salatzeko ekitaldi sinboliko bat egin zuten zuten goizean atzerritarren bulego aurrean. Kutxak pilatuz, murru “antiarrazista” eraiki zuten, Sistema arrazista arrakalatu, mugarik ez lelopean. Ondoren, mugetan eraildako emakumeak oroitzeko, azken urteetan izandako hildakoen datuak idatzi zituzten lurrean. Immigrazio politikak eta lan baldintza kaskarrak salatu zituzten emakume migratuen kolektiboek: Ekitaldiaren ostean, udaletxe atarian pentsiodunekin elkartu ziren, Handik, Bilboko Iberdrola dorrera joan ziren, eta han amaitu zituzten goizeko ekitaldiak, energiaren pobrezia salatuz. Goizeko aldarriak arratsaldez ere entzun ziren, ehunka emakume batu ziren arratsaldeko manifestaziora.
Deskargatu hemen.
