Udako solstizioa ospatzeko ekimena antolatu du Bilboko Konpartsak federazioak Etxebarria Parkeko zabalunean. Aurtengo egoera dela eta, aforoa mugatu behar izan dute eta beraz, beharrezkoa izango da formulario baten bitartez aldez aurretik izena ematea. Datorren asteko asteazkenean, gaueko 22:00etatik aurrera Bilboko Etxebarria parkean San Juan gaua ospatuko dute konpartsek, Hortzmuga Teatroak eta Lekittoko Deabruak taldeek girotuta.
Gaurko ordua Gorka Gaztanbideren estreinako diskoarekin hasiko dugu. Gorka Gaztanbide eta Txikizio Kuadrilla izena dauka grabazioak. Gaztanbidek ibilbide oparoa du musika alorrean, baina beti bigarren plano batean, besteen musika ontzen eta edertzen, oraingoan, ordea, bere abesti propioak ekartzen ditu. Bestelako erritmoak ekarriko ditugu hurrengo minutuetarako. Bermeotik datorren Gatom rap abeslariak […]
