Euskaltzaleen Topaguneak Bizkaiko Foru Aldundiaren babesarekin antolatzen duen Udagoieneko Ostera Hegan kontzertu zikloak Mikel Urdangarin, Xamanak taldea eta Olatz Salvador bilduko ditu hiru asteburutan oholtza gainean. Azaroaren 12tik aurrera eta Bizkaiko hiru toki enblematikotan (Otxandioko Andikona Plaza, Barakaldoko Munoa Jauregia eta Saturraraneko Pasabidea) grabatutako hiru kontzertu akustiko eskainiko dira online dohainik udagoienekoostera.eus webgunean. Aurten musika eta memoria historikoa uztartu nahian Udagoieneko Ostera Hegan 2021eko kontzertu zikloa berezia izango da, izan ere, Bizkaiko hiru gune esanguratsutan eskainiko dira kontzertuok: Otxandioko Andikona Plazan (Mikel Urdangarin), Barakaldoko Munoa Jauregian (Xamanak) eta Ondarroako Saturrarango kartzelaren parean (Olatz Salvador).
Deskargatu hemen.
