Aly Bain eta Phil Cunningham, arrabitari eta akordeoilari bikote famatuaren azken diska dugu gaur gure saioan. Hogei urte elkarrekin jotzen ibili eta gero arrakasta eman dien formula tradizionalarekin jarraitzen dute. Eskoziako doinuak ardatz beste tradizioetako doinuak gehitzen dituzte, irlandarrak, quebec-tarrak, edo hainbat lagunen konposaketak. Aukera paregabe bat beraz, seguruenik inoiz izan den eskoziar arrabitari onenak eta eskoziar akordeoiaren eredua finkatu duen musikariak osatutako bikotearen sorta berriaz gozatzeko.
Ondoren Bothy Band irlandar taldearen 1976ko klasikoa ‘Old hag you have killed me’, Amadou eta Mariam maliarren afrikar fusioa eta Rachid Taharen azkena ‘Diwan 2’. Saioa deskargatzeko, klikatu HEMEN.