Bakaikuko barnetegitik saio berezia egin dugu, kultur ekarpena izan dute euskaltegiko ikasleek bertan, eta irratiaren bidez inguruko bi proiektu interesgarri ezagutzeko aukera izan dute. Lehenengo geldialdia Iruñeko autobus geltokian egin dugu, duela hiru urte ireki baitzituen ateak GELTOKI proiektuak, eta bertako Katrin Ginea batu zaigu mikrofonoetara. Geltokik ez du irabazi asmorik, Nafarroako bost eragileek osatzen dute, eta ekonomia sozial eta solidarioa zein elikadura burujabetza oinarritzat dituen proiektua balore horiek zabaltzeko asmoarekin sortu zen. Elkartea osatzen duten eragileak hauek dira: REAS Nafarroa, NNPEK-CPAEN, Traperos de Emaus, Alimentos Artesanos eta EHNE Nafarroa. Bost eragile hauetaz aparte, elkarteak eta proiektuak berak beste hogei bat eragile eta gizarte ekimenen babesa ere badu.
Deskargatu hemen.
