Jaialdiaren programazio osoa prentsaurreko batean aurkeztu da , eta bertan parte hartu dute Gonzalo Olabarria, Kultura eta Gobernantza Zinegotziak; Justo Ezenarro, Jaialdiaren zuzendariak, eta Leire ArtigueFANTeko programazio koordinatzaileak.Prentsaurrekoan, besteak beste, normaltasuna FANTera nola itzultzen den nabarmendu dute: “Ardura eta kontu handiz, pozik gaude FANTez bere distira osoan gozatzeko, 47 saiorekin, nazioarteko gonbidatuak, egoitzak eta pandemia aurreko ordutegiak berreskuratuz. FANT hiriko jaialdi dekanoetako bat da, eta prest gaude berriz ere fantasiazko eta beldurrezko generoa maite duten guztiei gure zinema-aretoetara ongi etorria emateko. Izan ere, programazioz betetako 9 egunetan proposamen interesgarriak, askotarikoak eta berriak aurkituko dituzte”, azpimarratu du Gonzalo Olabarria Zinegotziak. FANT Bilboko Zimenaldi Fantastikoaren 28. edizioa maiatzaren 6an hasiko da, eta maiatzaren 14ra arte iraungo du. Zinemaldia beldurrezko eta fantasiazko zinemaren zaleen zain dago, Gólem – Alhóndiga zinemetan ikusi ahal izango diren hainbat proiekziorekin.
Deskargatu hemen.