Euskal herriko mugimendu feministak beldurraren aurrean justizia feminista aldarrikatuko du Azaroaren 25ean, indarkeria matxistaren aurkako egunean. Gaur goizean agerraldia egin dute Bilbon, Aurreko urtetik gaur arte egoera ezer gutxi aldatu dela adierazia dute, indarkeria matxistak bere horretan jarraitzen duela. Sistema heteropatriarkal kapitalistak gure bizitzak kolpatzen jarraitzen ditu nabarmendu dute. Indarkeria matxistak hamaika forma har ditzake, eta etengabe mekanismo ezberdinak jartzen ditu martxan indarkeria hori aplikatzeko. Udan jasandako eraso matxistak jarri dituzte adibide, kontrol sozial etengabea, beldurrean oinarritutako mezu eta neurriak, poliziaren presentzia neurrigabea…eta dena, berriz ere fokua emakumeongan jartzeko. Esan dezakegu sistema heteropatriarkal kapitalista are modu gordinagoan azaleratzen dela. Mugimendu feministak argi du, sortzen duten olatu bakoitzean, sistemak olatu horiek gelditzeko mekanismoak jartzen dituela martxan.
Deskargatu hemen.