Kaixo, Bestiak gara Karmela espazio okupatuko liburutegi politiko eta autogestionatua. Herri borroken begiradatik antolatzen dugu kolekzioa eta bi astean behin gomendioak ekartzen dizkizuegu.
Gaur Katakrakek argitaratutako “Rote Zora. Hiri-Gerrilla feminista piztiaren bihotzean” liburua gomendatu nahi dizuegu. Rote Zora 1974tik 1995era bitartean alemanian ekintza armatuak egin zituen eta soilik emakumez osatuta zegoen zelula iraultzailea izan zen.
Katakrakek, David Lindemann-ek itzulita, talde iraultzailearen zazpi testu bildu ditu. Eta testuetan feminismotik hitz egiten duen pentsamendu indartsua irakurriko dugu, beti beste borrokekin batera jarduten duena, inperialismoaren aurka borrkatzen dena eta ekintza zuzenerako prest dagoena: jipoiak eman, etxeei su eman, petardoak jarri…
Gurean gainera, Baskale kolektibo euskaldun-alemaniarra aritu da Rote Zorari buruzko dokumental batekin testua aurkezten. Zuen herrietan edo espazio okupatuetan aurkezpenak eta proiekzioak egin nahi badituzue, jarri haiekin harremanetan ziur animatuko direla-eta.
Bitartean, badakizue non gauden. Animatu, eta etorri hau eta beste liburu batzuk maileguan hartzera. Fika kaleko berrogeita lauan gaude ostegun eta ostiral arratsaldeetan irekita!
Deskargatu hemen.
