BLV-ART Jaialdiaren edizio berria apirilaren 3tik 13ra ospatuko da Bilbao La Vieja auzoan, Bilboko Udalaren eskutik. Ekimen honek antzerki fisikoa, arte biziak, dantza eta ikus-entzunezko instalazioak uztartzen dituen programazio anitza aurkeztuko du, guztira hogei proposamen inguru bilduz. Bertan, belaunaldi berriko artistek eta dagoeneko ospea duten sortzaileek parte hartuko dute. Jaialdiko proposamen gehienak lehen aldiz aurkeztuko dira Bilbon, eta lau estreinaldi berezi izango dira: hiru erabatekoak eta bat Euskadin lehen aldiz taularatuko dena. Emanaldi gehienak doakoak izango dira edukiera bete arte, salbu eta Bilborockeko saioak, bost euroko prezioa izango baitute.
Deskargatu hemen.
